काठमाडौं, २८ बैशाख । ओइ झुमा झुमा झुम्कावाली, मेरो दिल छ पोखरामा, लाइदेउ न मायाले, डुबायो पापी मायालेलगायतका चर्चित गीतका गायक प्रमोद खरेलले शनिबार सुनसरीको झुम्कामा प्रस्तुत हुँदैछन् ।
सिटीमार्ट डिमार्टमेन्टल स्टोरको उद्घाटन समारोहमा गायक खरेलले आफ्नो प्रस्तुति दिएर झुम्काबासीलाई झुमाउन लागेका हुन् ।
गायक खरेलको साथमा स्थानीयस्तरमा चर्चा बटुल्दै गरेका गायिका अनुमा चौधरी, अनुषा नेपाल र गायक सुनिल चौधरीले पनि सांगीतिक प्रस्तुति दिने भएका हुन् ।
गत जनवरी १ बाट सिटी मार्ट डिपार्टमेन्टल स्टोरले ग्राहकवर्गलाई ध्यानमा राखेर संचालन गरेको ‘बम्पर उपहार’ को समापन कार्यक्रममा गायक प्रमोद खरेलले प्रस्तुति दिने भएका हुन् ।
एउटै छानामुनी ग्राहकलाई आवश्यक पर्ने दैनिक उपभोग्य सामानदेखि विभिन्न गिफ्ट आइटम पाइनुका साथै आफूलाई आवश्यक परेको सामग्री अनलाइनबाट पनि खरिद गर्न सकिने सिटीमार्टका अध्यक्ष पुष्प अधिकारीले बताए ।