काठमाडौं, १२ बैशाख । गायिका प्राश्ना शाक्यले आफ्नो नविनतम गीत तथा भिडियो ल्याएकी छन् । देश–विदेशको स्टेज कार्यक्रमहरुमा व्यस्त रहेकै बेला प्राश्नाले ‘ए हावा’ बोलको गीत तथा भिडियो सार्वजनिक गरेकी हुन् ।
‘आवाज देउ’जस्ता लोकप्रिय गीत दिएर श्रोता तथा दर्शकको मन–मुटुमा बस्न सफल प्राश्नाको पछिल्लो गीत ‘ए हावा’ निकै कर्णप्रिय छ । सुमधुर स्वरकी धनी प्राश्नाको यस गीतमा हरि लम्सालको संगीत र सरिता तुलाधरको शब्दरचना छ । उदयराज पौडेलको एरेन्ज रहेको यस गीतको भिडियोलाई युवराव वाईबाको निर्देशन गरेका हुन् ।
उत्सव दहालले खिचेका यस भिडियोलाई निशान घिमिरेले सम्पादन गरेका हुन् । बिछोडिएका प्रेमी–प्रेमीकाको कथालाई देखाउन खोजिएको यस भिडियोमा अनिल र श्वेतालाई फिचरिङ गरिएको छ ।