काठमाडौं, २८ चैत । पछिल्लो समयकी व्यस्त गायिका सहिमा श्रेष्ठले मंगलबार एक कार्यक्रमबीच आफ्नो जन्मदिन मनाएकी छन् । सोही अवसरमा आफ्नो नयाँ गीत एक भिडियो पनि सार्वजनिक गरेकी छन । कार्यक्रमको उद्देश्य म्युजिक भिडियो सार्वजनिक गर्ने भएपनि सहिमाको जन्मदिनको केकले चर्चा पाएको थियो ।

बागबजारस्थित साया हेल्लो गजलबारमा तीन दर्जनभन्दा धेरै पत्रकारलाई भेला गरेको आयोजना गरेको सो जन्मदिन तथा भिडियो सार्वजनिक कार्यक्रममा थुप्रै सेलिब्रेटी पनि उपस्थित थिए । सहिमाले आफ्नो जन्मदिनको केके काट्दै उपस्थित पाहुना तथा पत्रकारप्रति आभार व्यक्त गरेकी थिइन् । कतिऔं जन्मदिन हो भन्ने सहिमाले नखुलाए पनि उनलाई शुभकामना दिनेहरुलाई भनिन्, ‘यहाँहरुको शुभकामना मेरा लागि आर्शीवाद सरह हुनेछ । म अहिले जुन स्थानमा छु । यहाँहरुकै साथ र मायाले हो ।’ सहिमाका लागि हेल्लो क्याफेले पनि केक प्रदान गरेको थियो ।
‘कुैनदिन…’ बोलको सार्वजनिक गीतको भिडियो गायिका साहिमाले आफ्नै अपिÞmसिएल यु–ट्युब च्यानलमार्फत रिलिज गरेकी हुन् । यस गीतमा किरण केसी ‘क्रोधी’को शब्द तथा दीपक शर्माको संगीत रहेको छ ।

यस भिडियोमा चलचित्र ‘मंगलम’बाट चर्चा आएका जोडी शिल्पा पोखरेल र पुष्प खड्का फिचरङ छन् । यस भिडियोलाई संगीतकार दीपक शर्माले निर्देशन गरेका हुन् । ज्ञानेन्द्र शर्माले छायांकन रहेको यस भिडियोलाई निशान घिमिरेले सम्पादन गरेका हुन् ।
गायिका सहिमा पछिल्लो समय पाश्र्वगायनसँगै देश–विदेशका कार्यक्रममा व्यस्त छिन् । उनी पछिल्लो समय चलेकी गायिका हुन् । यसैबेला उनले यो गीत ल्याएकी हुन् । दीपक शर्माकै संगीत रहेको गीत ‘डोला डोला हातमा’बाट एकाएक सांगीगिक आकाशमा छाएकी सहिमालाई यस गीतले पनि चर्चामा ल्याउने छ भन्ने विश्वास गरिएको छ ।