काठमाडौं, २३ बैशाख । गायिका सरु गौतमले नयाँ गीत सार्वजनिक गरेकी छन् । ‘के यो माया हो’ बोलको भिडियो युट्युबमार्फत सार्वजनिक गरेकी हुन् । उनले भिडियोमा आफ्नै भाई सरोज गौतमलाई मोडलिङ गराएकी छन् ।
गीतमा शब्द सरुकै छ । टंक बुढाथोकीले गीतमा संगीत र एरेन्ज गरेका छन् । भिडियोमा मोडल कृष्टिना थापाले सरोजसँग रोमान्स गरेका छन् । बुद्ध थापाको छायांकन, निशान घिमिरेको सम्पादन रहेको गीतको भिडियो निर्देशन अनुप चापागाईंले गरेका छन् । ‘यो लभ सङ हो,’ गीतबारे सरुले भनिन्, ‘गीतमा प्रेम भाव झल्किन्छ । आशा छ दर्शकले प्रेम गर्नुहुनेछ ।’

https://www.youtube.com/watch?v=3zZos2mANpE