काठमाडौं, २३ बैशाख । ‘स्कुल प्रिन्सेस नेपाल–२०१७’ को ताज अनुपमा श्रेष्ठ चुमेकी छन् । ३५ स्पर्धीलाई पछि पार्दै अनुपमाले उपाधि पोल्टामा पारेकी हुन् । सिद्धार्थ बनस्थली स्कुलमा १० कक्षामा अध्ययनरत अनुपमाले उपाधिसँगै नगद २५ हजार र एक वर्षका लागि पूर्ण छात्राबृत्ति पनि पाएकी छन् । यसका आलाव अनुपमाले टर्कीमा हुन लागेको ‘ईन्टर नेसनल चाइल्ड आईकन’ मा सहभागी जनाउन पाउने भएकी छन् ।
आरके इन्टरटेनमेन्ट प्रालिद्वारा राजधानीमा आयोजित चौथो संस्करणको यस प्रतियोगितामा एलआरआई स्कुलमा अध्ययनरत गरिमा श्रेष्ठ स्कुल एम्बेस्डर र यूरिका स्कुलमा अध्ययनरत वर्षा बस्नेत ‘स्कुल आईकन’ भए । उनीहरुले क्रमशः १५ हजार र १० हजार रुपैयाँ पाए ।
विभिन्न सांस्कृतिक कार्यक्रमबीच आयोजित प्रतियोगितामा पब्लिक च्वाईजको टाइटल अवार्डसहित नगद ५ हजार भने रश्ना अधिकारीले पाइन् । भोटिङको आधारमा पब्लि च्वाइन अवार्ड प्रदान गरिएको आयोजक संस्थाका अध्यक्ष राम केसीले बताए ।
प्रतियोगिताको निर्णाणकमा कोरियोग्राफर मोडेल बिपना थापा, गायक तथा टिचर यम लामा, गीतकार तथा संचारकर्मी भारत बम्जन, हिमालयन कलेजका प्रिसिन्पल रामहरि सिलवाल रहेका थिए ।
