काठमाडौं, १२ मंसिर । नेपाली सांगीतिक क्षेत्रमा अलग प्याटनमा चर्चा पाएका संगीतकार तथा गायक थानेश्वर गौतमको यतिखेर ‘हिमाल हल्लाउन सक्छु’ बोलको गीत अहिले चर्चामा छ । सुवास पुरीको स्वर रहेको यस गीत संगीतका कारणले पनि चर्चामा आएको हो । कर्णप्रिय यो गीत जोकोहीको रोजाइनमा पर्नसक्छ ।
प्रभा बर्ताैलाको शब्द रहेको गीतमा सुवास पुरीलाई स्वरमा सरु गौतमले साथ दिएकी छन् । गीतको भिडियो पनि बनेको छ । भिडियो सार्वजनिक भएपछि गीतले झन् हाइट लिएको छ । भिडियोमा बेनिशा हमाल र निराजन प्रधानले मोडलिङ गरेका छन् । भिडियोलाई सुरजसिंह ठकुरीले निर्देशन गरेका हुन् । यसलाई म्युजिक नेपालले आफ्नो युट्युवमार्फत बाहिर ल्याएको छ । यो गीत पुरीको ‘श्रृगार’ एल्बममा समावेश छ ।