काठमाडौ, ८ कार्तिक । ‘कबड्डी’ अभिनेत्री रीश्मा गुरुङ एक म्युजिक भिडियोमा देखिएकी छन् । गायिका मेलिना राईको स्वर रहेको ‘लेक फुल्ने’ बोलको गीतको भिडियोमा रीश्मालाई देख्न सकिन्छ । यो उनको डेब्यु म्युजिक भिडियो पनि हो । सान थापाले निर्देशन गरेको यस म्युजिक भिडियोमा रीश्मासँगै गम्भीर बिष्टले रोमान्स गरेका छन् ।रीश्माले कबड्डी, कबड्डी–कबड्डी र झुम्की जस्ता सफल चलचित्रमा अभिनय गरिसकेकी छन् ।
मेलिानको ‘मेलिना ’ एल्बममा समावेस यस गीतमा शब्द तथा संगीत उत्तमजंग लिम्बूको रहेको छ । पछिल्लो समय पाश्वगायनमा व्यस्त मेलिना आधुनिक गायनमा समेत उतिकै व्यस्त छिन् । उनका कम्मरमाथी पटुकी, शिरैमा सिरबन्दी, तिमीले बाटो फे¥यौ अरे जस्ता चर्चित गीतहरु छन् ।