काठमाडौं, ३ असोज । गायक तथा संगीतकार भुवन सुप्तिहाङ राई चाँडै ‘सम्मान’ एल्बम लिएर आउँदैछन् । यो उनको पाँचौं सोलो गीति एल्बम हुनेछ । ‘सम्मान’ एल्बमका लागि तीव्र तयारीमा लागेका भुवनले आइतबार फोटोसुट गराए । ‘सम्मान’ एल्बमका लागि फोटोसुट गराएका भुवनसँगै अर्का गायक दीपेन्द्र खिम्दुङ राईले पनि फोटोसुट गराएका छन् । दीपेन्द्रको ‘दर्शन’ एल्बम आउँदैछ । जसमा भुवनकै संगीत रहने भएको छ ।

Bhuwan suptihang rai

‘सम्मान’ र ‘दर्शन’ का लागि भुवन र दीपेनले फोटोग्राफर समीर गुरुङसँग फोटोसुट गराएका हुन् । गोकर्णस्थित शान्तीपार्कमा फोटोसुट गराएपछि भुवनले भने, ‘अब चाँडै सम्मान दर्शक तथा श्रोतामाझ ल्याउँदैछु ।’ उनले आफ्नो संगीत रहेको दीपेन्द्रको ‘दर्शन’ पनि चाँडै आउँने बताए ।

Dipendra

यसअघि गायक भुवनले चार एल्बम ल्याइसकेका छन् भने दर्जनौ गीत र एल्बममा संगीत गरिसकेका छन् । भुवन पछिल्लो समय गायनमा भन्दा संगीत सिर्जनामा बढी व्यस्त छन् । अर्को कुरा भुवनको ‘सम्मान’ र दीपेन्द्रको ‘दर्शन’ मा जितेन्द्र रसिकको पनि एक–एक गीत रहेको छ ।