काठमाडौं, २ असोज । मोफसलमा क्रियाशील गायक बविन नेयोङ लिम्बूको नयाँ गीतको भिडियो सार्वजनिक भएको छ । ‘सोल्टिनी’ बोलको गीत तथा भिडियोलाई यु–ट्युबमार्फत हालै सार्वजनिक गरिएको हो । यो गीतलाई लिम्बू भाषा भर्सनमा पनि आएको छ । लोकेन साँवा लिम्बूको निर्देशन रहेको यस भिडियोमा ‘तारेभीर’ नायिका तथा मोडल रेखा फागो र गायक सयंमले अभिनय गरेका छन् । रेखा अभिनीत चलचित्र ‘तारेभीर’ आउँदो फागुनमा रिलिज हुँदैछ ।
‘सोल्टिनी’ गीतको शब्दरचना निर्देशक लोकेनकै रहेको छ भने संगीत अशोक लोहरुङ राईको रहेको छ । धरान, भेडेटारलगायतका आसपासमा छायांकन गरिएको यस भिडियोमा गरिमा डान्स सेन्टर धरानको कोरियोग्राफी रहेको छ भने भुपेन्द्र तुम्बाहाम्फेको छायांकन रहेको यस भिडियोलाई निशान घिमिरेले सम्पादन गरेका हुन् । गायक बविनले यसअघि पप गीति एल्बम ‘धरानको पुरानो बजार’ ल्याएका थिए । उनी हिजोआज लिम्बू भाषाको एल्बम ‘तरेमे’ ल्याउँने तयारी गर्दैछन् । ‘सोल्टिनी’ भिडियो हेर्न तलको लिंकमा क्लिक गर्नुहोला ।