काठमाडौं, २६ भदौं । किशोरीहरुको प्रतिभा प्रस्तुतिको लागि आयोजित ‘मिस टिन नेशनल–२०१६’का लागि १६ किशोरी छानिएका छन् । उनीहरु केही दिन यताबाट विभिन्न प्रशिक्षणमा व्यस्त छन् ।

यल इभेन्टस् सोलुसनद्धारा आयोजित ‘मिस टिन नेसनल–२०१६’को अन्तिम प्रतिस्पर्धाका लागि छानिएका युवतीहरुमा इशानी कार्की, अस्मिता डँगोल, शर्मिला खड्का, मिना शाह, सिमरन पन्थ, स्वेता बरमु, दीपा बोगटी, मिनी तामाङ रहेका छन् । यस्तै मञ्जु गुरुङ, सृजना पाण्डे, एलिजा श्रेष्ठ, इनु थापामगर, सिन्थिया श्रेष्ठ, लाक्पा शेर्पा, शोभना श्रेष्ठ, ज्योती थापा र मन्दिरा केसी पनि यो प्रतियोगिताका अन्तिम प्रतिस्पर्धी हुन् ।
उनीहरुलाई अहिले कोरियोग्राफर अश्विनी झाले विभिन्न प्रशिक्षण दिईरहेको आयोजक सँस्थाकी अध्यक्ष रमी श्रेष्ठले बताईन् । उनका अनुसार ‘मिस टिन नेशनल–२०१६’को चयन आगामी ८ असोजमा राजधानीको नाचघरमा हुने छ ।