काठमाडौ । गायक रञ्जीत लामाको आवाजमा ‘हुलाकी दाई’ गीतको म्युजिक भिडियो सार्वजनिक भएको छ । ‘प्रारम्भ–२’ एल्बममा समावेश यो भिडियो यु–ट्युबमार्फत रिलिज गरिएको हो । गीतमा मदन गुरुङ र डिका गुरुङको शब्द तथा डिका गुरुङकै संगीत छ ।
मायाप्रेमलाई आधार बनाएर तयार पारिएको भिडियोमा वर्षा राउत र धन्जित लामाले अभिनय गरेका छन् । यस भिडियोलाई पासाङ योञ्जन लामाले निर्देशन गरेका हुन् । भिडियोमा वर्षा राउत र धन्जित लामाको मायालाई हुलाकी दाई अर्थात मिलन लामामार्फत मुर्तरुप दिने काम गरिएको छ । गायक रञ्जीतले अहिले अन्य गीत रेकडिङको पनि तयारी गर्दैछन् ।