काठमाडौ । गीतकार नयन अधिकारीको पहिलो एल्बम ‘नयन’को सर्बाेत्कृट गीत ‘चटक्कै माया मारेर’ को म्युजिक भिडियो निर्माण गरिएको छ । शनिबार नगरकोटस्थित मधुवन रिर्सोटमा क्याम्प फायरसहित भिडियो निर्माण गरिएको हो । रोमान्टिक थिम उठाइएको भिडियोमा बादल श्रेष्ठ र मिस टिन–२०१४ की बिजेता ज्योती क्षत्रीले मोडलिङ गरेका छन् । दुई बर्ष अगाडी सार्वजनिक यो गीतमाथि बुढासुब्बा डिजिटल प्रालीले भिडियो निर्माण गरेको हो । गीतमा अर्जुन पोखरेलको संगीत तथा स्वरुपराज आचार्य र दर्गा खरेलको स्वर रहेको छ । चर्चित निर्देशक रत्न जोसीले भिडियो निर्देशन गरेका हुन् । युगल जोडिको प्रेमकथा रोमान्टिक पारामा आफुले भिडियोमा प्रस्तुत गर्न खोजेको निर्देशक जोशीले बताए ।

‘अहिलेसम्म बजारमा आएका म्युजिक भिडियोका भन्दा फरक थिम मैले भिडियोमा दिएको छु’ जोसीले भने, ‘भिडियोमा दुवै मोडलले उत्कृष्ट काम गरेका छन् ।’ कोरियोग्राफीसमेत जोसीकै रहेको भिडियोकोे छायांकार नबिन के श्रेष्ठ रहेका छन् । २०५४ देखि लगातार निर्देशनमा रमाउदै आएका जोसीले अहिलेसम्म ५ सय बढी म्युजिक भिडियो तथा दर्जनबढी साना चलचित्र र दर्जनकै हााराहारीका ठुला चलचित्रमा कोरीयोग्राफी गरेका छन् ।