काठमाडौं । एपोलो इन्टरनेसनल कलेज वानेश्वरमा बिबिएस अध्ययनरत २२ बर्षीय सन्दीप पोखरल यस वर्षको ‘मिस्टर नेपाल’ घोषित भएका छन् । गोर्खाका पोखरेलले आफ्ना ४० प्रतिस्पर्धीलाई पछि पार्दै १३आंै मिस्टर नेपाल बन्न सफल भएका हुन् । प्रतियोगितामा पोखरेलले ‘मिस्टर ह्याण्डसम’, ‘बेष्ट पर्सनालिटी’ र ‘बेष्ट फिजिक्स’ कोटाइटल उपाधि पनि आफ्नो पोल्टामा पारे ।
‘यदी तपाई छोरीको बाबु भएको खण्डमा निर्वाह गर्ने प्रमुख तीन कुरा के के हुन्’ ? भन्ने निर्णायकको अन्तिम प्रश्नमा पोखरेलले उत्कृष्ट जवाफ दिँदै पोखरेलले उपाधि आफ्नो कित्तामा पारेका हुन् । बिजेता पोखरेलले उपाधिका साथै नगद १ लाख रुपैया, चलचित्र ‘बिन्दास–३’ मा अभिनयको अवसरका र विभिन्न उपहार पाएका छन् ।

त्रिभुवन आर्मी अफिसर्स क्लबमा सम्पन्न प्रतियोगितामा प्रतिक लालवानी फस्ट रनरअप र मिलन श्रेष्ठ सेकेण्ड रनरअप भए । लालबानीले ह्याण्डसम, पर्सनालिटीसहित भियुर्स च्वाईस अवार्डसमेत पाए भने श्रेष्ठले फ्रेड्ली अवार्ड पाए । दुवैले उपाधिका साथै बिभिन्न उपहार पाएका छन् । युवाको प्रतिभालाई प्रोत्साहित गर्नुका साथै समाजमा जिम्मेवार नागरिक बनाउने उदेश्यले आयोजक एक्सपोज नेपालले १३ वर्षदेखि ‘मिस्टर नेपाल’ गर्दै आएको हो ।