काठमाडौं । नेपाल ललितकला प्रज्ञा–प्रतिष्ठान हस्तकला विभागका प्रमुख प्राज्ञ सुषमा राजभण्डारी ओरिरेन्ट रिडिङ क्लबको चेन डु रोड, साङ्घाईको निमन्त्रणामा आफ्नो १३औं एकल चित्रकला प्रर्दशनी गर्न चीन प्रस्थान गरेकी छन् । उक्त चित्रकला प्रर्दशनी नोभेम्वर २८ देखि डिसेम्वर २ तारिखसम्म हुनेछ । प्रर्दशनीको साथै दुई देशको आपसी मित्रताको सम्वन्ध अझ घनिष्ठ गर्न सांस्कृतिक पहिचान हुने कार्यशाला तथा अन्तरक्रियामा सहभागी हुने र पौभा चित्र प्रर्दशनीको समेत अवलोकन गर्ने कार्यक्रम रहेको छ । कलाकार सुषमाले आफ्ना चित्रमार्फत देश तथा विदेशमा एकल तथा विभिन्न सामुहिक चित्रकला प्रर्दशनीको साथै कार्यशामा समेत सहभागी भइसकेकी छन् ।