अभिनेत्री शिल्पा पोखरेल प्रहरी अफिसर बनेकी छन् । फिल्म ‘विरंगना’ मा यी अभिनेत्री शसस्त्र प्रहरीको अफिसरका रुपमा देखिएकी छन् । यो फिल्म २९ असारमा रिलिज हुँदैछ । फिल्म रिलिज हुन महिनादिन बाँकी हुँदा ‘तिमी पुलिस म नि पुलिस’ गीत सार्वजनिक गरिएको छ ।
फिल्मको सार्वजनिक गीतमा अनुपविक्रम शाही र शिल्पा पोखरेललाई पुलिसको ड्रेसमा नाचेका छन् । यस गीतमा दिपक शर्माको संगीत, सहिमा श्रेष्ठ र योन्जक लामाको स्वर, दिनेश सुवेदीको शब्द र कविराज गहतराजको कोरियोग्राफी रहेको छ ।
एक्शन जनराको यो फिल्ममा निर्देशक राजबहादुर साने हुन् । फिल्ममा हरिबोल लामाको छायांकन र तारा थापाको सम्पादन रहेको छ । फिल्ममा शिल्पा र अनुपको अलवा पृथ्वीराज प्रसाई, धिरेन शाक्य, प्रज्वल गिरी, प्रिया रिजाल, धु्रव कोईराला, सुशील पोखरेल, अंशु थापा, अमृत सापकोटालगायतका कलाकारको अभिनय रहेको छ ।