काठमाडौं, १९ बैशाख । हिरोइन पूिर्णमा लामाले निर्माण गरेको फिल्म ‘हिरोज’ २८ बैशाखमा प्रदर्शन हुने भएको छ ।
एक्शन, लभ, कमेडी तथा सम्वेदनाले भरिएकोे फिल्म यसअघि २३ चैतमा प्रदर्शन हुने भनिएको थियो । तर, प्राबिधिक कारण देखाउदै अन्तिम समयमा प्रदर्शन स्थगित गरिएको थियो । अब भने आफ्नो फिल्म दर्शकमाझ आउने पक्का भएको पूर्णिमाले बताइन् ।
एनवी महर्जनको निर्देशनमा बनेको फिल्ममा करिश्मा मानन्धर, जयकिसन बस्नेत, मुकेश ढकाल, पूर्णिमा लामा, संजोग राणा, दिलकृष्ण श्रेष्ठलगायतका कलाकारले अभिनय गरेका छन् ।
जय लक्ष्मी फिल्मस्को ब्यानरमा बनेको फिल्म राजनीति बिकृति, बेरोजगारी, चेलीबेटी बेचबिखच तथा सडक बालबालिकाको बिषयमा बनेको छ ।
लक्ष्मी लामाको प्रस्तुत रहेको फिल्मको निर्मातामा शेखर लामा, युवराज लामा र संजोग राणा छन् । कमल राई, कविराज गहतराज र रामजी लामीछानेको कोरियोग्राफी रहेको फिल्म शिब ढकाल र रामशरण उप्रेतीले खिचेका हुन् ।
पूर्णिमा अभिनीत ‘रेलिमाई’ र ‘नेप्टे’ दर्शकमाझ आइसकेका छन् । ‘हिरोज’सँगै सोही मितिमा गोपालचन्द्र लामिछाने निर्देशित लम्फू प्रदर्शनमा आउँदैछ ।