काठमाडौं, २० चैत (एजेन्सी) । बलिउड अभिनेत्री सोनम कपूरको ब्वायफ्रेण्ड आनन्द आहूजाले सोसल मिडियामा एक तस्बिर शेयर गरेका छन् । जसमा अभिनेत्री सोनम लण्डनको सडकमा छाता ओढेर हिडिरहेकी छन् । आनन्दले आफ्नो इन्स्टाग्राममा शेयरको गरेको सोनमको तस्बिर मुनि क्याप्सन लेखेका छन्, ‘इन्फिनिट पोटेन्टियालिटी अफ लाईफ ।’

आनन्दले प्राय आफ्नो इन्स्टाग्राममा सोनमकै तस्बिर शेयर गर्छन् । र, प्रेमबारे क्याप्सन लेख्छन् ।
हिजोआज सोनम आनन्दसँग विवाह गर्ने कुराले चर्चामा छिन् । समाचारहरुका अनुसार विवाह समारोह गर्ने स्थान सोनमले नै छनोट गरेकी छन् । सोनम ११ र १२ मेमा जेनेभामा विवाह गर्दैछिन् ।
पछिल्लो समाचारअनुसार आफ्नो विवाहको तयारी गर्नेक्रममा सोनम हिजोआज निकै व्यस्त छिन् । उनको मेहेन्दी, संगीत र विवा सबै हिन्दू रीति–रिवाजअनुसार हुँदैछ ।
सोनमको विवाह योजनाअनुसार भेन्यु फिक्स भएपछि उनको परिवार जेनेभा जानलाई टिकट बुकिङमा व्यस्त छन् । सोनम र आनन्दको विवाहलाई अहिलेसम्म गुचुप नै राखिएको छ । तैपनि विवाह समारोहमा करिब ३ सय जना सहभागी हुने अनुमान गरिएको छ ।

सोनमलाई बलिउडमा फेसन क्वीनका रुपमा परिचित छिन् । त्यस्तै, आनन्द पनि फेसन पारखी हुन् । आनन्द दिल्लीका बेस्ट फेशन र लाईफस्टाइल इन्टरप्नयोर हुन् । उनको दिल्लीमा केही फेसन ब्राण्ड पनि छ । आनन्दले सुरुमा शु–सेन्टर चलाउँथे । तर, हिजोआज भने उनी विभिन्न फेसन ब्राण्ड सञ्चालन गर्छन् ।