काठमाडौं, २ चैत । ‘यो मुटु दुख्छ किन…?’ जवाफ गीतकार दर्पण राईलाई थाहा छ कि गायिका मेलिना राईलाई । तर, अहिलेलाई यस ‘लभ सेन्टिमेन्ट’ गीतको ‘लिरिकल’ भिडियो हेरौं र सुनौं । गीत निकै मार्मिक र सेन्टिमेन्ट छ अनि मेलिनाको स्वर उस्तै सुरिलो ।

‘तिम्ले बाटो फेरेऊ अरे’ गीतमार्फत चर्चामा आएका गीतकार, मोडल हुँदै भिडियो निर्देशनसम्म आइपुगेका दर्पर्णको यो पछिल्लो गीतमा अहिलेकी चर्चित गायिका मेलिना राईको स्वर रहेको छ ।
यस गीतको मेल भर्सन भने भर्सटायल गायक राजेशपायल राईले गाएका छन् । प्रायः नयाँ–नयाँ क्रियशनमा काम गर्न रुचाउँने गीतकार दर्पणले ‘यो मुटु दुख्छ किन…’ को मेल भर्सनलाई भारतीय टेलिभिजन च्यालन ‘स्टार प्लस’को चर्चित डान्स रियालिटी शो ‘डान्सिङ सुपर स्टार–२०१३’मा थर्ड रनरअप सुशान्त खत्रीलाई लिएर ‘लिरिकल मुमेन्ट’ भिडियो निर्माण तयारी गरिरहेका बेला यो लिरिकल भिडियो ल्याएका हुन् । यस लिरिकल भिडियोलाई पनि रुचाउन सक्ने गीतकारको विश्वास छ ।
‘यो मुटु दुख्छ किन…’ को मुमेन्ट भिडियो ल्याउन लागेकै बेला किन लिरिकल भिडियो ? भन्ने प्रश्नमा दर्पण भन्छन्, ‘सशान्तलाई खेलाउन लागेको लिरिकल भिडियो र यसमा फरक छ । यो फिमेल भर्सन हो ।’ यस गीतमा शब्द मात्र नभएर संगीत समेत दर्पणकै रहेको छ ।