काठमाडौ, ११ साउन । राजधानीको टुडिखेलमा ‘वन डे ट्यालेन्ट हन्ट’ हुने भएको छ । क्लासिक ईभेन्ट र सेलिब्रेटी म्यानेजमेन्टको सहकार्यमा ‘वन डे ट्यालेन्ट हन्ट’ पहिलोपटक गर्न लागेको हो ।मंगलबार राजधानीमा पत्रकार सम्मेलन गराएर सो कार्यक्रमको घोषणा गरिएको छ ।
आगामी अगस्ट १९ तारिकका दिन टुडिखेलमा सम्पन्न गर्न लागिएको आयोजकले जनाएको छ ।
उक्त प्रतियोगितामा जोसुकै जसमा कुनै पनि प्रतिभा लुकेर रहेको छ उसले सहभागी हुन पाउने जानकारी ईभेन्टका आयोजकले दिएका छन् । यो कार्यक्रममा आफूमा लुकेर रहेको जुन सुकै प्रतिभा चाहे त्यो अग्रेजी हिपहप होस् या हिन्दी क्लासिकल वा फेरी नेपाली झ्याउरे भाका नै किन नहोस कार्यक्रममा जुनै भाषाका प्रतिभाहरु पनि देखाउन सकिने जानकारी आयोजकले दिएका छन।
‘वन डे ट्यालेन्ट हन्ट’का विजेताले नगद ५० हजार दोस्रो विजेताले ३० हजार र तेस्रोले २० हजार नगद पाउने बताइएको छ । प्रतियोगितामा सहभागी हुन कुनै उमेरहद नभएको र कुनै शुल्क लाग्ने छैन् ।