काठमाडौं, १९ बैशाख । कुनै समयका चर्चित गायक जीतेन राई आधुनिक एक गीतमार्फत श्रोता तथा दर्शकमाmभ देखिएका छन् । पछिल्लोपटक जीतेनले ‘सुनमाईको उकालो मोटर हरर’ बोलको गीत गाएका छन् । उक्त गीतमा अहिलेकी चर्चित गायिका मेलिना राईले स्वरमा साथ दिएकी छन् ।

यस गीतलाई भिडियोमा समेत तयार गरिएको छ । गीतमा सुदुरपूर्वीको माटोघाटोलाई उजागर गर्न खोजिएको छ । हुन त जीतेन कुनै समय प्रगतिशील गीतका लागि स्टार मानिन्थे । उनी सुरुदेखि नै जीवन र भोगाइका गीत गाउँदै आएका छन् ।
यस गीत तथा भिडियोमा झापा तथा इलामको साँधतिर पर्ने सुनमाई, वर्ने, जोरपिपल, राँके बजार, कन्याम, फिदिमलगायतका स्थानलाई समेटेर गीतको भाका उतारिएको छ ।
कवि ताम्लिङको रचना र कुमार दुमीको संगीत रहेको यस गीतको भिडियोलाई लोकेन साँवा लिम्बूले निर्देशन गरेका हुन् । यस भिडियोमा राज खिम्दिङ सुब्बा र पार्वती राईको अभिनय छ ।