काठमाडौं, १९ बैशाख । संगीतकार बसन्त सापकोटाको स्वरमा ‘जोबनदेखि दिक्क’ बोलको भिडियो सार्वजनिक भएको छ । सार्बजनिक गीतमा उनलाई गायिका रञ्जिता प्रसाईले साथ दिएकी छन् । थुप्रै चलचित्रमा हिट संगीत दिएका बसन्तले यसअघि पनि केही गीतहरुमा आफ्नो स्वर दिइसकेका छन् ।
रोमान्टिक शैलीमा निर्माण गरिएको अडियो तथा भिडियोमा क्रिस्टल क्लाब्स क्रेवको रमाइलो प्रस्तुति रहेको छ । संगीतकार सापकोटाकै शब्द तथा संगीत रहेको यस गीतमा प्रकाश गुरुङको छायांकन, नेत्र गुरुङको कलर तथा सम्पादन रहेको छ ।