काठमाडौं, १६ चैत । संगीतकार ताराप्रकाश लिम्बू जति राम्रो संगीत गर्छन्, त्यति नै राम्रो गाउँछन् पनि । पछिल्लो समय गायन र संगीतमा उत्तिकै जम्दै आएका यिनै ताराप्रकाशद्वारा स्वरबद्ध ‘आकाशझैं…’ बोलको गीत तथा भिडियो रिलिज भएको छ । सार्जजनिक गीतमा संगीत पनि ताराप्रकाशकै रहेको छ ।
रोजी लाबुङ राईको शब्दरचना रहेको यस गीतको भिडियोलाई इन्द्र सापकोटाले निर्देशन गरेका हुन् । जो डेनमार्कमा बस्छन् । नेपाली कम्युनिटी डेनमार्कको अध्यक्ष समेत रहेका सापकोटाले भिडियोमा माया सापकोटासँग अभिनय गरेका छन् । यस भिडियो डेनमार्कको विभिन्न रमणीय स्थानहरुमा छायांकन गरिएको छ । स्टारलाइन इन्टरटेनमेन्टमार्फत सार्वजनिक गरिएको यस भिडियोलाई सुप्रिम पराजुलीले सम्पादन गरेका हुन् ।