काठमाडौं, २ कार्तिक । गायिका सुमी चाम्लिङ राई फेरि आफ्नो पुरानै धारमा फर्केकी छन् । ‘दिक्तेल बजार’ जस्ता चर्चित लोकगीत गाएर चर्चामा आएकी सुमी केही वर्ष लोक तथा पप गायनमा हराइन् । यिनै सुमी अहिले एक पुर्वेली लोक गीत लिएर आएकी छन् । ‘लसमा लस नि लैलै’ बोलको टिपिकल पूर्वेली लोकगीतका साथ आएकी सुमीले यसपटक दर्शक तथा श्रोताको मन जित्ने भएकी छन् । जसरी पुर्वेली लोकगीत ‘दिक्तेल बजार’ श्रोताले रुचाएका थिए, त्यस्तै, यो गीत त्यही फ्लेवरमा भएकाले दर्शक तथा श्रोताले रुचाउँने सुमीको पनि दावी छ ।

Sumi Chamling Rai, singer

डिपी खनालको शबद र राजनराज सिवाकोटीको संगीत रहेको यस गीतको भिडियोलाई युगल पोमो लिम्बूले निर्देशन गरेका हुन् । यस भिडियोमा चर्चित नृत्यकार तथा मोडल पार्बती राई र ह्यारी योञ्जनले अभिनय गरेका छन् । गीतको भाव र लयअनुसार निर्देशक युगलले मोडललाई कल्चरल पहिरनमा प्रस्तुत गरेका छन् । त्यसैले यस गीतका लागि भिडियो प्लस प्वाइन्ट बनेको छ । अर्जुन तिवारीको भिडियोको छायांकन लोकेश थापाको शृंगार रहेको यस भिडियोलाई ललितपुरस्थित लाकुरी भञ्ज्याङमा छायांकन गरिएको हो । निशान घिमिरेको सम्पादन रहेको यस भिडियोमा एक शहरी युवा र गाउँले युवतीको प्रेमलाई दर्साउन खोजिएको छ ।