काठमाडौ, १३ असोज । गायिका तायाहाङ्मा राईको ‘हरेक दिन’ बोल गीतको म्युजिक भिडियो सार्वजनिक भएको छ । स्वप्निल लिम्बुको शब्द तथा दिनेश सुब्बाको संगीत रहेको यस गीतको भिडियोलाई अमेरिकामा छायांकन गरिएको हो ।
प्रशन्न पौडेलको निर्देशन रहेको यस भिडियोमा सामान्य पे्रमकथालाई नै प्रस्तुत गरिएको छ । तैपनि अन्य म्युजिक भिडियोभन्दा केही फरक लाग्छ, जबकि भिडियोमा फिल्मीशैली छ । यस भिडियोमा बिवेक र सिमाको अभिनय छ । प्रशन्नकै छायांकन रहेको यो भिडियोलाई टेकेन्द्र शाहले सम्पादन गरेका हुन् । गायिका तायाहाङ्मा पछिल्लो समय दोस्रो एल्बम ‘तराना’ लिएर दर्शकमाझ आएकी थिइन् ।