काठमाडौं, १९ साउन । अभिनेत्री रेखा थापा ‘हिरो रिर्टन्स’ की नायिका चयन भएकी छन् । यो चलचित्र अभिनेता सविन श्रेष्ठले निर्माण गर्न लागेको हो । सविनले चलचित्र ‘हिरो रिटन्र्स’को एक कार्यक्रमबीच घोषणा गरेका हुन् । कार्यक्रममा जनाइएअनुसार चलचित्रमा रेखा र सविनका अलावा सरोज खनाल र दिल श्रेष्ठको मुख्य भूमिका रहनेछ ।
कार्यक्रममा बोल्दै नायिका रेखा थापाले सविनको मन छुने प्रस्तावलाई आफूले नकार्न नसकेको बताइन् । उनले यो चलचित्रमा आफू एक्सन अवतारमै प्रस्तुत हुने बताइन् । रेखा फिल्मस्कै ब्यानरमा बनेको चलचित्र ‘अन्दाज’बाट सविनले चलचित्र नगरीमा डेब्यू गरेका थिए । सविनको यस चलचित्रलाई आशिष भेटवालले निर्देशन गर्दैछन् ।