काठमाडौं, २ साउन । उपाधि जित्नु वा नजित्नु बेग्लै कुरा । तर यसपटकदेखि ‘मिस्टर नेपाल’ ले ‘मिस्टर वल्र्ड’ मा प्रतिस्पर्धा गर्दैछ । यसको पहिलो भाग्यमानी ठहरिएका छन् ‘मिस्टर नेपाल–२०१६’ का बिजेता गणेश अग्रवाल । गणेशले यसपटकको ‘मिस्टर वल्र्ड’ स्पर्धा गर्ने एक्सपोज नेपालका अध्यक्ष दिनेश शाहीले बताए ।
‘मिस्टर वल्र्ड–२०१६’ मा सहभागी हुन गणेश इङ्ल्याण्ड गइसकेका छन् । जुलाई १९ बाट इङ्ल्याण्डको साउडपोर्टमा हुने ‘मिस्टर वल्र्ड’मा नेपालको प्रतिनिधित्व गर्न उनी त्यसतर्फ गएका हुन् । १६ प्रतियोगीलाई पछि पार्दै ‘मिष्टर नेपाल २०१६’ का बिजेता बनेका अग्रवालले मिस्टर वल्र्डमा जापान, अमेरीका, भारतलगायत ५० देशका प्रतियोगीसँग उपाधिका लागि स्पर्धा गर्नेछन् ।
