काठमाडौं । अभिनेत्री दीपाश्री निरौला निर्देशित चलचित्र ‘छक्का पञ्जा’ को एउटा गीत सार्वजनिक गरिएको छ । चलचित्र ‘पुर्व–पश्चिम’ बोलको गीतलाई शनिबार यु–ट्युबमार्फत सार्वजनिक गरिएको हो । दीपाश्रीको यो डेब्यु निर्देशन चलचित्र हो । पहिलो रिलिज गरिएको यस गीतमा अधिकांश कलाकारलाई फिचरिङ गरिएको छ ।
गायिका अञ्जु पन्त र राजनराज सिवाकोटीको स्वर रहेको यो गीत निकै सुमधुर छ । २४ भदौमा रिलिज हुने भनिएको यस चलचित्रको संगीत पनि राजनराजले गरेका हुन् । चलचित्रमा प्रियंका कार्की, दीपकराज गिरी, बुद्धी तामाङ, जितु नेपाल, केदार घिमिरेलगायतका कलाकारको अभिनय रहेको छ ।