काठमाडौं । एनबि भट्ट अभिनित ‘कहाँ होला यो ज्यानलाई मायाँ गर्ने मान्छे ?’ बोलको आधुनिक गीतको म्युजिक भिडियो सार्वजनिक भएको छ । यसै भिडियोमार्फत सञ्जना भण्डारीले डेब्यु गरेकी छन् । निश्चल श्रेष्ठको शब्द, नारायण सुबेदीको स्वर तथा संगीत रहेको यस गीतमा किरण कँडेलको संगीत संयोजन रहेको छ । यस भिडियोमा रत्न कार्कीको छायांकन, मिलन बिकको सम्पादन तथा स्वयं गीतकार निश्चलको निर्देशन छ ।
स्क्रिनमा एन बि र सञ्जनाको केमेष्ट्री सुहाउँदो देखिन्छ । सर्ट फिल्म र अन्य म्युजिक भिडियोहरुमा प्राय सेन्टिमेन्टल भुमिकामा देखिएका भट्ट यस भिडियोमा भने रोमान्टिक ब्वाईको भुमिका प्रस्तुत भएका छन् । जुन उनलाई निकै सुहाएको छ । गोरखा जिल्लाको ताप्लेमा जन्मीएका भट्ट कलाकारीतामा मात्र होइन ज्योतिषी पेशामा पनि सक्रिय छन् । यो भिडियो छायाँकन लगतै उनि आफ्नो व्यवसायका लागि कतार गएका उनि त्यहीं बसेर ज्योतिषी पेशालाई अगाडी बढाइरहेका छन् । अभिनयमा बलियो सम्भावना देखाएका भट्ट यहाँ प्रसस्त प्रस्ताव आउँदा आउँदै कतार गएका थिए ।

https://www.youtube.com/watch?v=tq9o6uOP1ck