काठमाडौं ।
गुन्यु चोली लाउँदिन म मिनी स्कर्ट लाएँ
रोदीघर जन्न म त डिस्कोतिर धाएँ
गाउँघरकी पार्वतीमा भएँ पारो
शहरिया ठिटालाई पर्ला गाह्रो…’
यस गीतमा अभिनेत्री तथा मोडल रिमा विश्वकर्मा ढिस्कोतिर नाचिरहेको देखिन्छिन् । गुन्युचोली छाडेर मिनी स्कर्टमा देखिएकी रिमालाई यसरी पहिलोपटक ग्ल्यामरस लुकमा देखिएको हुनसक्छ । चलचित्र ‘राहदानी’को यो आईटम गीतको भिडियो शुक्रबारबाट सामाजिक सञ्जाल यु–ट्युव मार्फत सार्वजनिक भएको छ । गीतलाई बिडी च्यानलले सार्वजनिक गरेको हो ।

यो गीतमा अभिनेत्री रिमा विश्वकर्माले नायिका रिमाकै भूमिकामा नृत्य गरेकी छन् । गाउँबाट सहर पसेर आधुनिक बनेकी एक युवतीको परिवर्तित जीवन शैलीलाई गीतमा प्रस्तुत गरिएको छ । गीती दृष्य रामशरण उप्रेतीले खिचेको हुन् । राजु शाहको नृत्य निर्देशन रहेको यो गीत दुर्गा खरेलले गायिक हुन् । चलचित्रका निर्देशक डब्बु क्षत्रीले नै लेखेको यो गीतमा चेतन सापकोटाको सँगीत छ ।
आगामी १२ चैतबाट प्रदर्शनीमा आउने राहदानीको यो दोस्रो गीत हो । यस अघि जिन्दगीको गोरेटोमा…बोलको बियोगान्त गीतको भिडियो सार्वजनिक भईसकेको छ । बैदेशिक रोजगारका विभिन्न समस्यालाई उठाईएको यो चलचित्रमा दयाहाङ राई, सृजना सुब्बा, रुपा खनाल, अशोक रिजाल, बिनिता घिमिरे, नविन लम्साल, मोनिका दाहाङ, फुपु तेन्जिङ शेर्पा, विधा कार्की, विकाश जोशी, अस्मिता बस्नेत, लक्ष्मण बिक्रम बस्नेत लगायतको अभिनय रहेको छ ।  लक्ष्मी प्रसाद ढकालको प्रस्तुति रहेको यो चलचित्रको निर्माण रियाना पात्रबँश, रम्भा पाण्डे, कृष्णचन्द झा, शुष्मा ढकाल, नैनु शमशेर जबरा र अभिषेकमान सिंहले गरेका हुन् ।

https://www.youtube.com/watch?v=6AZAIJ8xEFg