काठमाडौं । गायनमा प्रतिभा र रुचि भएर पनि अवसरमा नपाएकाहरुका लागि खुसीको खबर छ । यो अवसर गीतकार दर्पण राईले जुराइदिने भएका छन् ।

क्षमता भएका तर, अवसर नपाएकाहरुका उनले आफ्नो एउटा गीतको ट्रयाक यु–ट्युबमा रिलिज गरेका छन् । उक्त गीत जसले राम्रो गाउँछ, उसले गाउने अवसरसँगै नगद १० हजार पनि पाउने दर्पणले बताए । यसका लागि सुरुमा यु–ट्युबमा गएर ‘तिमीले बाटो र्फेयौ अरे…’ बोलको लिंक खोज्नुपर्छ । त्यहाँ गीतसँगै ट्रयाक भेटिन्छ ।

उक्त ट्रयाकमा राजेशपायल राई र मेलिना राईको स्वर रहेको छ । उक्त ट्रयाक सुनेर गीत गाउनुपर्ने छ । गीत जुनसुकै उमेर समुहका महिला पुरुष सबैले गाउन सक्नेछन् । गीत गाएपछि गीतको भिडियो बनाएर यु–ट्युवमा राख्नुपर्ने छ । जसमा उत्कृष्ट हुनेले नगद १० हजारसहित रेकर्डिङको अवसर पाउनेछन् । यसको घोषणा आगामी नयाँ बर्ष २०७३ मा गरिने छ । केही वर्षयता कतारमा बस्दै आएका गीतकार दर्पणले प्रतिभा भएकाहरुलाई अवसर दिन यस्तो धारणा ल्याएको बताए ।

‘तिमीले बाटो फे-यौ अरे’को म्युजिक ट्रयाक ।

https://www.youtube.com/watch?v=JltPxjjOqcg