काठमाडौं । मोडल तथा अभिनेत्री रञ्जिता लिम्बू अभिनेता दीलिप रायमाझीसँग ‘मन्द मन्द मुस्कान’ केही दिनमै दर्शकले देख्नेछन् । हँसिली रञ्जिता र डान्सर हिरो दीलिप एक म्युजिक भिडियोमा मन्द मन्द मुस्कान छर्दै नाचेका छन् । चर्चित तथा भर्सटायल गायक राजेशपायल राईले गाएको उक्त गीतको म्युजिक भिडियोको निर्देशन प्रशन्न पौडेलले गरेका हुन् । राजधानी वरीपरि छायांकन गरिएको ‘मन्द मन्द मुस्कानमा तिी छौं’ बोलको यस म्युजिक भिडियो केही दिनमै टेलिभिजन तथा अनलाइन मिडियाबाट रिलिज हुने बताएको छ । जहाँ दर्शकले रञ्जिता र दीलिपलाई मन्द मन्द मुस्कानमा देख्नेछन् । रञ्जिता पछिल्लो समयमा म्युजिक भिडियोमा व्यस्त छिन् । केही चलचित्रमा समेत अभिनय गरिसकेकी उनको प्राथमिकता पनि म्युजिक भिडियामै हुन थालेको छ । यो गीत नैनासिंह राईको ‘द विलिभ्स्’ को शीर्षक गीत हो । गीतकार नैनासिंह केही समययता बेलायतमा बस्दै आएकी छन् ।